18 il əvvəl Tomatis® Azərbaycan İnkişaf Bərpa Mərkəzinin rəhbəri Nailə Froqleyin ailəsində əhəmiyyətli hadisə baş verdi – uzun zaman həsrətində olduqları qız övladı dünyaya göz açdı. Lakin həkimlər bu sevincə kədər qatdılar – uşağda  beynin yalnız 21%-nin sağlam olduğu autizmin ağır formasını təsdiq etdilər… Uşaqda udma, çeynəmə funksiyaları, demək olar ki, yox dərəcəsində idi, həmçinin  hərəkət-dayaq aparatı fəaliyyət göstərmirdi. Həkimlər əlacsız idi – bu kimi halların müalicəsi, demək olar ki, yoxdur.
Təhsilinə görə psixoloq olduğu üçün o, İngiltərə, Fransa, ABŞ, Rusiyada əlavə yüksək ixtisas kurslarını keçib, Tomatis® metodunu öyrənməyə başladı.
Bütün bacarıqlarından istifadə edərək qısa müddətdə qızını ayağa qaldırdı – bu gün uşağın beyni demək olar ki, tamamilə bərpa olunub və qız normal danışıq bacarıqlarını bərpa etmək üçün çalışır.